Chlousevärsli – Samichlaus Versli
Der 6. Dezember (Chlousetag) steht vor der Tür und damit ist auch der Zeitpunkt, mit den Kindern zusammen ein «Värsli für den Samichlous» (Sankt Nikolaus) auszusuchen. Nachfolgend findest du sieben wunderbare «Värsli», die du mit deinen Kindern für den grossen Moment einüben kannst.
Wir wünschen dir und deiner Familie eine wunderbare und besinnliche Adventszeit.
Dein mibon - Team
Samichlous, i han e Wunsch,
wenn de hinecht zue üs chunnsch,
möchte i mit dir use gah
u chlei bim Esli ga stah.
Si Chopf i d'Arme näh
u ihm öppis ds Frässe gäh.
Samichlous, gäll dusse ischs chalt
U du bisch ja ou scho alt!
Läng u wiis si dini Haar,
trotzdäm chunnsch du jedes Jahr.
Bringsch üs ou immer ganz viel gueti Sache,
zentnerschwär dr Sack, chuum ds trage!
Ohni Sack würds ringer gah,
lah ne doch eifach bi mir la stah!
Samichlous ig hoffe du hesch numme Guets für mi,
will für ä Ruete bini ja würkli no ds chli!
Zwar ou für Mandarindli, Schoggi u Nüssli,
aber nid für äs Eseliküssli!
Dr Grittibänz im Ofe drin,
het numme dumms Züügs im Sinn!
Är nimmt ä Gump u seit sich: «So»!
Tuet ds Törli uf u geit drvo.
Är louft ir Chuchi umenand
U schiess paar Tassli a ne Wand.
De schärbelet ou no äs Glas,
Will är so gumpet wie ä Haas.
I bi ä chliine Stumpe
u tue gärn chlei umegumpe!
Äs Gstoor mache
mit mine villne Sache!
Tue mängisch gar nid lose
u ha gäng Löcher i de Hose.
Tue meistens tröimend umestah,
statt zügig einisch hei zue ds gah!
Samichlous, i bi so froh,
dass du trotzdäm zu mir bisch scho.
U mit dine feine Sache,
mir ä riese grossi Freud wottsch mache!
Äs Liechli chunnt dr Fäldwäg i,
i goube, das muess dr Samichlous sii!
Jetz ghört me des Glöggli, pssst los guet,
wies über d'Wise lüte tuet.
Mis Härzli chlopfet lis u fescht,
i hoffe, du weisch vo mir nur ds Best!
Die andere chline dumme Sache,
wett i ds nächste Jahr besser mache!
Drum bitte lueg i Säck jetz dri,
ob's öppis feins drin het für mi.
Samichlous, jetz bisch du da
U das, scho bevor i mis Värsli ufsäge cha.
Gäll, du gsesch äs sicher i,
dass du destwäge nid muesch toube si?
We de chunnsch im nächste Jahr,
chan is sicher, das isch klar!
Angebote für Familien, Paare oder Singles
Rabattgutscheine für familienfreundliche Ausflugsziele
In unserer Rubrik «Angebote» findest du eine Vielzahl an tollen Gutscheinen für den rabattierten Eintritt in Schweizer Ausflugsziele. Wie wäre es mit einem coolen Schneetag in der Vorweihnachtszeit?
